GALPon - Grupo de Amigos de Linux de Pontevedra - Web

Na nosa wiki deixei un COMO para instalar Ubuntu Intrepid Ibex nun UMPC Acer Aspire One coa interface Netbook Remix.

A xunta ven de fornecer un portal para os trámites de facenda.

http://www.economiaefacenda.org

Sobran as palabras...

http://www.economiaefacenda.org/web/portal/oficina-virtual-requisitos-acceso

Tras visionar o vídeo da nova que anosaterra TV dispón, quedan claras moitas das posturas sobre que é "Galinux" para as distintas personaxes que contornan o mundiño do software libre.

Pero, ¿que é realmente Galinux? Tratando de poñerse nas distintas perspectivas (e con pizca de escarnio):

OUSLI, de novo, volve a organizar este ano a Xornada de Software Libre no FP de Caixanova en Ourense. Esta xornada ten como finalidade a formación no eido das novas tecnoloxías no software libre e a difusión do mesmo. As Xornadas realízanse grazas a colaboración do centro de FP Caixanova, celebrándose no mesmo, a mañá do 18 de Decembro.

As xornadas están patrocinadas por Igalia e Mancomun e encádrase dentro do convenio asinado polos LUGS galegos e mancomun. Ademáis nas xornadas colaboraran o GLUG , Thinetic Systems , Openhost , CGA, TEGNIX e a OSL-USC.

A Consellaría de Innovación e Industria convida a toda a sociedade galega a participar no acto de presentación do Galinux, un completo sistema operativo en galego desenvolvido polo Centro de Referencia e Servizos de Software Libre conxuntamente coa comunidade galega de software libre e que terá lugar o vindeiro xoves 11 de decembro no Hotel Porta do Camiño (R/ Miguel Ferro Caaveiro s/n. Santiago de Compostela).

Anímate a asistir á que probablemente sexa a derradeira reunión do ano. Coma cada fin de mes quedaremos para tomar unhas cañas. O lugar, o B52 na praza elíptica. A hora, ás 20:00.

¡Esperamosvos!

O delegado da SGAE para a zona noroeste tivo que facer fronte a preguntas complicadas que deixaron en entredito a transparencia desta organización nas III Xornadas Audivisuais organizadas polo IES Audiovisual de Vigo

Na conferencia ofrecida por D. José Manuel Rodríguez, explicáronse as funcionalidades da SGAE coma o proceso de alta dos socios, o proceso básico de xestión, o sistema de reparto do recadado e as cifras coas que se move esta asociación.

Dos máis de 90.000 socios de que dispón, menos dun 10% ten acceso á información do reparto e recadación a través da web.

Os vindeiros días venres 28 e sábado 29 de Novembro celebraranse na Escola Técnica Superior de Enxeñaría as Primeiras Xornadas de Coñecemento Libre e Dereito nas TIC, organizadas pola Oficina de Software Libre da USC conxuntamente coa Asociación de Usuarios de Linux da USC e o Grupo de Usuarios de GNU/Linux da Galiza, coa colaboración da Asociación de Técnicos de Informática e o patrocinio da Consellaría de Innovación e Industria e Mancomún.

Os relatorios versarán sobre o actual marco legal da informática e a información, a fenda dixital, a política interna da USC sobre licenciamento de contidos, privacidade e protección de datos, e propiedade intelectual.

AGASOL ofrecerá un curso gratuito de eBOX ás persoas interesadas neste sistema que permite unha sinxela administración para as redes corporativas.

eBOX foi deseñado con idea de simplicidade, diminuindo a curva de aprendizaxe para os novos administradores de redes e aforrando tempo dos profesionais expertos automatizando moitas das tarefas.

Corrixido

Ver mapa más grande